مشاعر تائهه ●▪مُشَرَفـَـہ▪●
| موضوع: { الأمل ضآيع .. ولكن .. الأمآني مو حرآم ~ السبت سبتمبر 17, 2011 9:54 am | |
| ضاق صدري و رحت افضفض قاصده نفس الرصيف ! شفت نور الحي زايد و آنا خبري به ظلام
و الغريب انه خفوقي زاد نبضه .. مدري كيف !! كني طفله .. تبكي .. خايفه .. ضايعهٍ وسط الزحام
اثْره كان وراي .. و الضيا ما كان طيف قبل ما اوقف و اسلّم .. قلبي المشتاق قام
ما طرى في بالي الا (يا بَخَت من لك وليف ) عينه بعيني .. و نظره .. رجعتني كم عام
فجأه شفت اشجار تخضر و هْيَ في عز الخريف و هذا هو حال المفارِق يوم يطري له الغرام
يبتسم .. يشبه بشوقه .. للنظر شخص ٍ كفيف الأمل ضايع .. ولكن .. الأماني مو حرام
الثواني تمر و تمضي .. اشهد ان الوقت سيف فجأه قال ( كيف حالك ) قبل ما ارمي السلام !
كنت احسْب اني قويه .. لين اكتشفت احساسي زيف ما عرفت انطق بكلمه .. شاعره و خانها الكلام !!!
كيف اقول اني بخير و باين بقلبي النزيف و الملامح بان فيها عين ما عادت تنام
مرتبكه .. واقفه .. و ساكته .. انفض غبار الرصيف بالعجل هزيت راسي ( يعني اخباري تمام )
و انسحبت بْلا تردد لني انسانه ٍ ضعيفه و القوي لا شاف موته .. يوم يضعف ما يلام | |
|